Mannsbunad

Zignatursting monterer rekonstruerte folkedrakter frå Rogaland og Sunnfjord til menn. Eg monterer óg nokre herrebunader frå 1900-talet, alle etter norsk drakttradisjon. Eg kan skaffe det meste av tilbehør, så som sylv, skjerf og selar og hatt. Eg har óg såpespon til vask av linskjorter.

Herrebunad

Zignatursting monterer rekonstruerte folkedrakter frå Ryfylke og Sunnfjord til kvinner. Eg monterer óg dei fleste damebunader frå 1900-talet, alle etter norsk drakttradisjon. Eg kan skaffe det meste av tilbehør, så som sylv, skjerf, understakk og strømpebukser. Eg har óg såpespon til vask av linskjorter.

Previous Next

1 2 3 4

Rekonstruert mannsbunad Sunnfjord, seint 1700-t

Rekonstruert mannsbunad til Sunnfjord, siste halvdel av 1700-talet.

Bunadsnemnda i Sunnfjord Ungdomslag har gjennom ein lang periode gjort arbeidet med denne rekonstruerte mannsbunaden frå Sunnfjord. Den framstår i dag som nøyaktige kopiar av draktdeler frå siste halvdel av 1700-t. Du kan velgje mellom to ulike trøyer. Dei har like fargar, er nokså like i snitt men ulikt brodert.

Det høyrer grindvovne topunktselar til knebroka. Utanpå den side vesten kan voksne menn bruke eit breidt belte brodert med korssting og messingspenne. I halsen kan du bruke silketørkle og på hovudet ein hatt eller ulike spøtahuer. Draktmetallet er knappar, halsknapp og evt halsring i messing.

Det er rekonstruert draktdeler til menn frå tre tidsperiodar i Sunnfjord. Opplæringa i desse bunadane har eg fått hos Ann Lundekvam. Eg utfører all saum og brodering for hand slik det er i dei orginale plagga.

Previous Next

1 2 3 4 5 6

Rekonstruert mannsbunad Sunnfjord tidleg 1800-t

Rekonstruert mannsbunad til Sunnfjord, tidleg 1800-talet.

Bunadsnemnda i Sunnfjord Ungdomslag har gjennom ein lang periode gjort arbeidet med denne rekonstruerte mannsbunaden frå Sunnfjord. Den framstår i dag som nøyaktige kopiar av drakdeler frå tidleg 1800-t med enkelte stiltrekk tilbake til 1700-t.

Det høyrer grindvovne topunktselar til knebroka. Lêrbeltet fungerer primært til å henge kniven i og som pynt. I halsen kan du bruke silketørkle og på hovudet ein hatt eller ulike spøtahuer. Draktmetallet er knappar, halsknapp og evt halsring i messing.

Opplæringa i denne bunaden har eg fått hos Ann Lundekvam. Eg utfører all saum og brodering for hand slik det er i dei orginale plagga.

Previous Next

1 2 3 4

Rekonstruert mannsbunad Sunnfjord ca 1850

Ullaskjorta

Bunadsnemnda i Sunnfjord Ungdomslag har gjennom ein lang periode gjort arbeidet med denne rekonstruerte mannsbunaden frå Sunnfjord. Den framstår i dag som nøyaktige kopiar av draktdelar frå første halvdel av 1800-t. Trøya har nokre alderdomlege stiltrekk og buksa har stiltrekk frå midten av 1800-t, men både trøya, vesten og broka har tilhøyrt same mann. Trøya til bunaden kallast ullaskjorta, difor namnet til bunaden. Det er ei lang, svart steglatrøye med korsstingsbroderi på slaget.

Det høyrer grindvovne trepunktselar til den side broka. Lêrbeltet fungerer primært til å henge kniven i og som pynt. I halsen kan du bruke silketørkle og på hovudet ein hatt eller ulike spøtahuer. Draktmetallet er knappar, halsknapp og evt halsring i messing.

Opplæringa i denne bunaden har eg fått hos Ann Lundekvam. Eg utfører all saum og brodering for hand slik det er i dei orginale plagga.

Previous Next

1 2 3 4 5

Rogaland, rekonstruert

Rekonstruert Rogaland herrebunad

Rekonstruert Rogaland herrebunad er nøyaktige kopiar av mannsklede frå Suldal prestegjeld eit stykke utpå 1800-t. Nokre stiltrekk i plagga går heilt tilbake til 1700-t. Gamle Suldal prestegjeld besto av områda Suldal, Sauda og Røldal. Det er Bunadnemnda i Rogaland Ungdomslag som har rekonstruert denne draktskikken. Dei starta arbeidet i 1963 og var ferdige i 1986.

Eg syr heile bunaden for hand, slik det var gjort i dei gamle plagga.

Det er kopiert eit sokkepar, sokkeband og fleire ulike huemønster til bunaden. I halsen brukast silketørkle.

Opplæringa i drakta har eg fått hos Ragnhild Ulland Ødegaard, Eli Olsen og Daghild Haavardsholm. Eg monterer alt for hand, slik det er gjort i det gamle draktmaterialet.